Mi 5

ဒီနေ့ပြောပြပေးသွားမှာကတော့ English နဲ့တော့ မဆိုင်ပါဘူး။ ပိုက်ဆံအများကြီးမသုံးဘဲနဲ့ လူတန်းစေ့သုံးနိုင်မယ့် ဖုန်းလေးတွေအကြောင်း ပြောပြပေးသွားမှာပါ။
အခုခေတ် ဖုန်း Company တွေက အပြိုင်အဆိုင် ဖုန်းတွေထုတ်နေသလို ဖုန်းမှာပါလာတဲ့ Specification တွေ Function တွေကလည်း အံ့မခန်းကြောက်စရာကောင်းလောက်အောင်ကို တိုးတက်လာနေတယ်။ ဒါပေမယ့် ပြဿနာက ပိုက်ဆံပါပဲ။ ကင်မရာ Performance Display  Design စတဲ့ ဖုန်းတစ်လုံးရဲ့ အရေးပါတဲ့ feature တွေကို လူတန်းစေ့ကိုင်နိုင်ချင်ရင်တော့ အနည်းဆုံး ၂ သိန်းနဲ့ အထက်ငွေပမာဏသုံးမှကို ရမှာပါ။ အခု ကျွန်တော်ပြောပြပေးမှာက ငွေလည်း ၁ သိန်း နဲ့ ၂ သိန်းကြားပဲ သုံးမယ်၊ ခုနကပြောခဲ့တဲ့ feature တွေလည်း စုံရမယ် အဲ့လိုဖုန်းမျိုးကို ဘယ်လို ဝယ်မလဲ ဘယ်မှာဝယ်မလဲ ဘယ်လိုမျိုးဖုန်းလဲ ဆိုတာကို ပြောပြပေးမှာပါ။

(1) Mi 5
Mi 5 ဆိုတာ Xiaomi က ၂၀၁၆ ဖေဖော်ဝါရီလမှာ launch လုပ်ခဲ့တဲ့ သူတို့ရဲ့ Mi series ထဲက ၅ လုံးမြောက် flagship ဖုန်းဖြစ်ပါတယ်။ flagship ဆိုတာက Company တစ်ခုရဲ့ အရေးပါဆုံး အကောင်းဆုံးထုတ်ကုန်လို့ အဓိပ္ပါယ်ရတာနဲ့အညီ ဖုန်းကုမ္ပဏီတွေဟာ သူတို့ရဲ့ နည်းပညာသစ်တွေကို အပြိုင်အဆိုင်ထည့်သွင်းကြတဲ့ ပညာပြကြတဲ့ဖုန်းတွေမို့ Mi 5 ဟာလည်း သူ့ခေတ်သူ့အခါက အကောင်းဆုံးဆိုတဲ့ feature တွေကို ထည့်သွင်းထားခဲ့တဲ့ဖုန်းတစ်လုံးပါ။ အဲ့ဒီဖုန်းက ၃ နှစ်​ကျော်အကြာမှာ စျေးကွက်ထဲမှာ မရှိတော့ပေမယ့် ကုမ္ပဏီလက်ကျန်ဖုန်းများကို စျေးနည်းနည်းနဲ့ ရောင်းပေးရင် ဝယ်သင့်လား၊ အခုရောင်းနေတဲ့ ၁ သိန်း၃သောင်း၅ထောင်ဆိုတဲ့ စျေးနဲ့ဆိုရင် ဝယ်သင့်သေးလား၊ သို့မဟုတ် အဲ့စျေးတန်းက ၂၀၁၉ ထွက် budget phone ကိုပဲ ရွေးမလားဆိုတာ ဆွေးနွေးသွားပါ့မယ်။
အရင်ဆုံး Design ပိုင်းကို စပြောရရင် screen size က ၅.၁၅ လက်မ ပဲရှိလို့ ၂၀၁၉ ဖုန်းတွေနဲ့ဆိုရင် အတော်ကို သေးသွားပြီလို့ ပြောနိုင်ပါတယ်။ ဒါပေမယ့် One-handed user တွေအတွက်ကတော့ တော်တော်ကို ကိုင်လို့ကောင်းတဲ့ဖုန်းပါ။ ရှေ့နောက် ၂ ဖက်စလုံးကို Gorrila Corning Glass 4 နဲ့ အုပ်ပေးထားတယ်၊ Aluminium Frame ဆိုတော့ ဒီဇိုင်းပိုင်းကတော့ တော်တော်လေးကို လှပါတယ်၊ Resolution က 1080 × 1920 ဆိုတော့ Full HD resoultion ဖြစ်ပါတယ်။ Xioami ရဲ့ စျေးနည်း brand အခွဲ ဖြစ်တဲ့ Redmi မှာတောင် အဲ့စျေးတန်းမှာ Full HD မရပါဘူး။ ဒါကြောင့် Dislplay နဲ့ Resolution မှာ အခုစျေးနဲ့ဆို အတော်ကို တန်တဲ့ဖုန်းပါ။ ဒါပေမယ့် ၂၀၁၆ ထွက်ဖုန်းဖြစ်တာနဲ့အညီ 16:9 ratio ပဲဖြစ်တာမို့ ၂၀၁၈ က စလာခဲ့တဲ့ notch တွေ waterdrop ဘာညာသရကာတွေတော့ မပါပါဘူး၊ ရိုးရိုးပါပဲ။ ဒါက ခေတ်နောက်ကျခဲ့ပြီလို့ ဆိုနိုင်ပေမယ့် Notch ကို မကြိုက်တဲ့သူတွေ အတွက်ကတော့ ရွေးချယ်စရာဖြစ်နေဦးမှာပါ။ Redmi ကပဲ ထုတ်ထားတဲ့ ၂၀၁၈ ထွက် entry level budget ဖုန်းတစ်လုံးဖြစ်တဲ့ Redmi Go မှာလည်း ရိုးရိုး 16:9 ratio ပဲ သုံးထားတာမို့ သိပ်တော့လည်း နောက်မကျသေးဘူးလို့ ဖြေတွေးရင်တော့လည်း ရပါတယ်။
နောက် ကင်မရာအကြောင်းကို ပြောရရင် သူ့မှာသုံးထားတာက 16 MP တစ်လုံးထဲဖြစ်ပြီး f/ 2.0 နဲ့ 2160P resolution ရှိတဲ့ ဓာတ်ပုံတွေကို ရိုက်ကူးနိုင်မှာပါ။ ၂၀၁၆ ထွက်ဆိုတော့ကား အဲ့တုန်းက Smartphone တွေမှာ Dual Camera Setup မသုံးကြသေးတာမို့ ၂၀၁၇ လောက်က စခေတ်စားလာတဲ့ Dual Camera တွေနဲ့ ယှဥ်ရင်တော့ နည်းနည်းနောက်ကျတယ်ဆိုပေမယ့် Mi 5 ဟာ flagship level ဖုန်းတစ်လုံးဆိုတာတော့ အမှတ်ရနေရမှာပါ။ ဆင်ပိန်ကျွဲလောက်မကတဲ့ photo quality တွေကို ရိုက်ပေးနိုင်တာမို့ ၁ သိန်း ၃ သောင်းဆိုတဲ့ စျေးတန်းထဲက ဖုန်းအားလုံးထက်တော့ အပြတ်အသတ် သာနေမှာပါ။ ဒီနေရာမှာ ၂၀၁၆ တုန်းက Dual Camrea Setup ခေတ်မစားသေးဘူးဆိုပေမယ့် Redmi pro ဆိုတဲ့ဖုန်းမှာတော့ Dual Camera စသုံးခဲ့ပါတယ်၊ ခေတ်မစားခဲ့တာပါ။ Xiaomi မှာ Dual Camera နဲ့ နာမည်ရခဲ့တဲ့ ဖုန်းက Mi 5X ဖြစ်ပြီး Redmi series ထဲမှာတော့ အခုကျွန်တော်ကိုင်နေတဲ့ Redmi Note 5 ပါ။ 😁
Mi 5 အကြောင်း ပြန်ပြောရရင်တော့ Selfie မှာ 4MP ပဲ သုံးထားတယ်ဆိုပေမယ့်  photo quality က တအားကြီး ညံ့နေမှာမျိုး မဟုတ်ပါဘူး။ ဆိုတော့ ကင်မရာပိုင်းမှာ တပ်ဆင်မှု Setup ပိုင်းအရ ခေတ်နောက်ကျနေပေမယ့် Quality အနေနဲ့ကတော့ ခေတ်မီနေဆဲ ဖုန်းတစ်လုံးပါ။
နောက် ဆက်ပြောမှာက သူရဲ့ SOC ပါ။ သူ့မှာ သုံးထားတာက Snapdragon 852 ဖြစ်ပြီး 14nm ပါ။ မျက်စိမမှားပါဘူး၊ မှန်ပါတယ်။ ဒီအပိုင်းမှာတော့ သူက ခေတ်နောက်မကျရုံမက ၂ သိန်းကျော် Xiaomi ထဲက ဖုန်းတွေထက်တောင် CPU performance မှာ သာနေတုန်းပါ။ Snapdragon SOC တွေကို ၂ သိန်းကျော် စျေးတန်းမှာ သိပ်မြင့်မြင့်သုံးမပေးနိုင်တဲ့ တခြားဖုန်း Brand တွေထက်ကို အနည်းငယ်သာနေဦးမှာပါ။ 14nm ချင်းတူတဲ့ ကျွန်တော့်ရဲ့ Redmi note 5 မှာသုံးထားတဲ့ Sanpdragon 636 ထက်တောင် performance မှာ အများကြီး သာပါသေးတယ်။ (so sad)
RAM အနေနဲ့ 3GB RAM နဲ့ internal memory က 32GB နဲ့ 64GB ဆိုပြီး ၂ မျိုးလာပါတယ်။ ၁ သိန်း ၃ သောင်းတန်းမှာ RAM 2GB နဲ့ ROM 16GB လောက်ပဲ ရတတ်တာမို့ ဒီစျေးနဲ့ဆို အတော်ကို တန်နေပါပြီ။
Battery ကတော့ 3000 mAh ဆိုပေမယ့် ၅.၁၅ လက်မ ဖုန်းလေးမှာ ဒီ battery ပမာဏက လက်ခံပေးလို့ရပါတယ်။ တနေ့လုံးအားမခံခဲ့ရင်လည်း မပူပါနဲ့၊ 18W first charging Quick Charge 3.0 မို့ အားသွင်းတာလည်း မြန်ဦးမှာပါ။ ၁ သိန်း၃သောင်းတန်းစျေးမှာ ဘယ်ဖုန်းမှာမှ မရပါ။ပြီးတော့ Type C Charger နဲ့ပါ၊ ၁ သိန်း၃သောင်းစျေးမှာ Type C ရတာ ဒီဖုန်းပဲ ရှိမှာပါ။ ပြီးတော့ 3.5 mm headphone jack ကလည်း ပါသေးတာမို့ နားကြပ်ထိုးဖို့ကလည်း တခြား Type C ဖုန်းတွေလို အလုပ်မများပါ။ Speaker ကတော့ Monospeaker ပဲ ဖြစ်ပါတယ်။ ဒါပေမယ့် ၂ သိန်း ကျော် ၃ သိန်း ၄ သိန်း ဖုန်းတွေမှာတောင် Sterero Speaker ရတဲ့ဖုန်းက လက်ချိုးရေလို့ ရပါတယ်။ ဒီနေရာမှာ ချွင်းချက်အနေနဲ့ Nokia ရဲ့ 2.1 ဖုန်းလေးမှာတော့ ၁ သိန်းကျော်နဲ့ Stereo Speaker လာရနေပါတယ်။ Fingerprint sensor က ရှေ့ Homescreen မှာ ဖြစ်ပါတယ်။ ပြောဖို့ကျန်သွားတာက သူ့ရဲ့ weight ပါ။ ၁၂၉ ဂရမ်ပဲ ရှိပါတယ်။ ပေါ့ပေါ့ပါးပါး ၂ ဖက်လုံး Galss အုပ်ထားတဲ့ ပြောင်ပြောင်လက်လက် ကြွကြွရွရွဖုန်းလေးကို သိပ်ခေတ်နောက်မကျသေးတဲ့ Specification တွေနဲ့ ၁ သိန်း၃သောင်းပေးရတာ တန်လွန်းနေပါပြီ။ ၂ သိန်းကျော် ၃ သိန်း တတ်နိုင်သူတွေကတော့ အခုနောက်ဆုံးပေါ် Midrange level တွေ စဥ်းစားနိုင်ပေမယ့် ၁ သိန်းကျော်လောက်ပဲ သုံးမယ်ဆို ကျွန်တော်ကတော့ entry level perfomance နိမ့်တဲ့ဖုန်းတွေအစား ဒီလို နန်းကျဘုရင်တွေကို ဝယ်သင့်တယ်လို့ ပြောရင်း နောက်နေ့မှာလည်း တခြား ၁ သိန်းကျော်နဲ့ ရနိုင်မယ့် နန်းကျဘုရင်လေးတွေအကြောင်း ဆက်ရေးပါဦးမယ်။
ခုနကဖုန်းကို ဝယ်ချင်ရင်တော့ ဒီ link မှာ သွားကြည်ပါ။

https://www.facebook.com/184192695656056/posts/561229414619047/