Xiaomi လား Redmi လား အတူတူပဲလား၊မတူဘူးလား (HZH)

Xiaomi လား Redmi လား အတူတူပဲလား၊မတူဘူးလား

ကိုယ်ကိုင်နေတဲ့ဖုန်းမှာ MI ဆိုတဲ့ တံဆိပ်လေးပါရင် Xiaomi လို့ပြောရမလား၊ Redmi လို့ ပြောရမလား တခါတခါ ခေါင်းကိုက်ရရော။ တကယ်လည်း Xiaomi နဲ့ Redmi က တူခဲ့ပါတယ်။ Xiaomi က ၂၀၁၁ မှာ ဖုန်းတွေ စမိတ်ဆက်ခဲ့ပြီးတော့ Redmi က သူရဲ့ ပထမဆုံးဖုန်းကို ၂၀၁၃ မှာ စခဲ့တာပါ၊ ဒါပေမဲ့ အဲ့တုန်းက Redmi က brand ရယ်လို့ သက်သက်မဟုတ်ဘဲ Xiaomi ရဲ့ ကနေထုတ်တဲ့ Budget smartphone series အနေနဲ့ ထွက်လာတာပါ။ စျေးလည်းအများကြီးမသုံးချင်ဘူး performance လည်း အသင့်အတင့်ရှိရမယ် စသဖြင့် အခြေခံလူတန်းစားတွေအတွက် ရည်ရွယ်ခဲ့လို့ ဖွံ့ဖြိုးဆဲ နိုင်ငံတွေမှာ နာမည်စရလာခဲ့ပါတယ်။ မြန်မာနိုင်ငံမှာလည်း Redmi Note 1 ကတည်းက သုံးတဲ့သူတွေ အနည်းငယ်တွေ့လာရပြီး အထူးသဖြင့် Redmi Note 3 မှာတော့ ဝက်ဝက်ကွဲစအောင်မြင်လာပါတယ်။ ဒီနေရာမှာ Redmi ရဲ့ ဖုန်းထုတ်တဲ့ပုံစံက Redmi ရယ် Redmi A ရယ် က entry-budget စျေးအနည်းဆုံးအနေနဲ့ ထွက်ပြီး Note နဲ့ Note pro ကိုတော့ အမြှင့်ဆုံးအနေနဲ့ ထုတ်ပါတယ်။ ဥပမာ Redmi Note 5 လို့ ထွက်ရင် သူ့ထက်ပိုမြှင့်တဲ့ Redmi Note 5 pro ရှိသလို သူ့ထက်စျေးပိုသက်သာပြီး performance လည်း နိမ့်တဲ့ Redmi 5, Redmi 5A တို့လည်း ထွက်ပါတယ်။ သို့သော်လည်း သူ့ရဲ့ brand naming ကတော့ နောက်ပိုင်းပိုရှုပ်လာပါတယ်။ အရင်က Note series က Redmi ရဲ့အမြှင့်ဆုံး series ဆိုပေမယ့် K20, K20 pro ကစလို့ သူရဲ့အမြှင့်ဆုံး series က K series ဖြစ်ပါတယ်။ ခေါင်းစဥ်နဲ့ပက်သက်တာပြန်သွားရရင် Xiaomi နဲ့ Redmi က အတူတူပဲလား၊ ၂၀၁၉ Redmi Note 7 ကို မိတ်မဆက်ခင်အထိ Redmi က Xiaomi ရဲ့ ဖုန်း series တစ်ခုသာဖြစ်ပါတယ်။ ၂၀၁၉ ကစလို့ Redmi ဟာ Xiaomi ရဲ့ brand အခွဲတစ်ခုအနေနဲ့ စရပ်တည်လာပါတယ်။ Brand တစ်ခုအဖြစ်ရပ်တည်လာပြီးနောက် သူ့အောင်မြင်မှုကလည်း တဟုန်ထိုး တက်လာပါတယ်။ Redmi Note 7, Note 7 pro, Redmi 7, Redmi 7A series တစ်ခုလုံးအောင်မြင်ခဲ့သလို ခွဲပြီးမှ စထုတ်ခဲ့တဲ့ K20, K20 pro ကလည်း အတော်လေးအောင်မြင်ခဲ့ပါတယ်။ ၂၀၁၉ လလယ်မှာ ထွက်လာတဲ့ Redmi Note 8, Note 8 pro, Redmi 8 နဲ့ Redmi 8A တို့ဟာလည်း အောင်မြင်ခဲ့ပါတယ်။ K series က K30 series တွေလည်း အောင်မြင်ပါတယ်။ အခုဆိုရင် Redmi Note 9 (Redmi 10X), Redmi Note 9 pro (Redmi Note 9S) နဲ့ Redmi Note 9 pro max ဆိုပြီးတော့လည်း မိတ်ဆက်ထားပြီး ဖြစ်ပါတယ်။ Xiaomi နဲ့ Redmi နဲ့က brand ခွဲထားပြီဖြစ်ပေမယ့် ဖုန်း series မှာ ရောယှက်နေတာတွေလည်း ရှိပါတယ်။ ဥပမာ Redmi ရဲ့ K20 ကို နိုင်ငံတကာမှာရောင်းရင် Xiaomi Mi 9T လို့ ရောင်းပါတယ်။ တကယ်တော့ အဲ့ ၂ လုံးက အတူတူပါပဲ။ Redmi K 30 နဲ့ Xiaomi ရဲ့ Pocophone F2 နဲ့က အတူတူပါပဲ။ ဒါ့အပြင် Xiaomi က Black Shark ဆိုတဲ့ နာမည်နဲ့ Gaming phone တွေ ထုတ်ပါသေးတယ်။ များပြားရှုပ်ထွေးလှတဲ့ brand name တွေကြားမှာ Xiaomi နဲ့ Redmi ကို ရောနေရင် Xiaomi နဲ့ Redmi ဟာ ၂၀၁၉ အထိ မခွဲသေးပါဘူး၊ Redmi Note 7 ကနေ နောက်ထွက်သမျှ Redmi ဖုန်းတွေကတော့ Redmi brand သက်သက်ခေါ်လို့ရပါပြီ။ ကျွန်တော်ကတော့ Redmi Note 5 ဖြစ်တာမို့ မင်းဘာဖုန်းကိုင်လဲမေးရင် Xiaomi ရဲ့ Redmi Note 5 လို့ ဖြေရမှာပေါ့ခင်ဗျာ။

HZH

ဈေးအချိုဆုံး 5G ဖုန်းများအကြောင်း (HZH)

မြန်မာမှာတော့ 5G မရသေးပေမယ့် 5G ဖုန်းတွေကတော့ ၂၀၂၀ မှ ဆက်တိုက်ထွက်လာနေပါတယ်။
ဒီနေ့မှာတော့  စျေးအချိုဆုံး 5G ဖုန်း ၂ လုံးကို ပြောပြပေးပမယ်။
အရင်ဆုံး အရင်ထွက်ပြီး စျေးကွက်ထဲမှာ ဝယ်လို့ရနေပြီဖြစ်တဲ့ Redmi K 30 5G ကို သူရဲ့ နောင်တော် K 30 4G နဲ့ ယှဥ်ကြည့်မယ်နော်။

1) Redmi K30 5G (၃သိန်း၈ထောင်)
Redmi ကတော့ Note 7 ကစလို့ Xioami ကနေ ခွဲထွက်ပြီးတဲ့နောက်ပိုင်း ဖုန်းစျေးကွက်မှာ Surprise စျေးတွေနဲ့ product ကောင်းကောင်းတွေ အင်တိုက်အားတိုက်ထုတ်နေတာပါ။ Note 7 မှာ အဲ့တုန်းက ဘယ်သူမှမသုံးဖူးသေးတဲ့ 48 MP camera ကို သုံးပြသွားပြီးတော့ ​စျေးကွက်မှာ Hot သွားခဲ့သလို အခု K30 5G မှာလည်း 5G ကို ၃ သိန်းဆိုတဲ့စျေးနဲ့ပေးပြီး Surprise လုပ်လိုက်ပြန်ပါပြီ။ သူရဲ့နောင်တော် K30 4G ကတည်းက Design ပိုင်းကလည်း လှခဲ့ပြီးတော့ သူနဲ့ပုံစံတူ K30 5G မှာတော့ White အရောင်လေးပိုတိုးလာပါတယ်။ သူရဲ့ အဖြူကတော်တော်ကို လှတာပါ။ K 30 နဲ့ အကုန်နီးပါးတူပါတယ်။ မတူတာတစ်ခုကတော့ Chipset မှာ K 30 မှာက Snapdragon ရဲ့ 730G 8nm ကို သုံးထားပြီးတော့ K30 5G မှာက အခုခေတ်စားနေတဲ့ Snapdragon 765 (7nm) ကို သုံးထားလို့ K 30 5G က K 30 ထက် performance ပိုကောင်းပါတယ်။ အများကြီးတော့ မကွာပါဘူးတဲ့။ Design မှာတော့ K 30 တုန်းကလိုပဲ 6.67 " မျက်နှာပြင်ကို 20:9 ratio နဲ့ပါ။ ရှေ့မှာက Punch hole Design နဲ့လာတယ်။ Resolution ကတော့ 1080×2400 pixels ကိုမှာ LCD မျက်နှာပြင်။ AMOLED မဟုတ်တဲ့အတွက်တော့ Underscreen finger print တော့ ရမှာမဟုတ်ပါ။ side-mounted fingerprint နဲ့လာတယ်။ ကင်မရာက အထားအသို Design ကတော့ ပုံမှာမြင်ရတဲ့အတိုင်းပါ။ နောက်မှာ ၄ လုံးပါမယ်။ Main sensor က K 30 လိုပဲ 64 MP၊ Ultrawide အတွက် 8 MP တစ်လုံး၊  Macro 5 MP တစ်လုံးနဲ့ Depth sensor 2 MP ပါမယ်။ Slefie အတွက်က Punch hole ထဲမှာ 20 MP တစ်လုံးနဲ့ Depth 2 MP တစ်လုံး ၂ လုံးပါမယ်။ ကင်မရာကတော့ သူ့စျေးတန်းမှာ ကောင်းတဲ့အထဲမှာပါတယ်လို့ reviewer တွေက ပြောကြပါတယ်။ Battery ကတော့ K30 ရော K 30 5G ရောမှာ 4500 mAh ပါတယ်။ ဒါပေမယ့် fast charging မှာ K30 5G က 30 W အထိ ထောက်ပံ့ပေးထားပြီးတော့ K 30 မှာက 27 W ပဲရမယ်။ K 30 5G က 0 to 100 ကို 57 min နဲ့ပြည့််မယ်၊ K 30 က 68 min အတွင်းပြည့်မယ်။ ဆိုတော့ အများကြီးဆင်တူတဲ့ K 30 နဲ့ K 30 5G ဘယ်ကောင်ကို ဝယ်ကြမလဲ စိတ်ကူးယဥ် ရွေးကြည့်ရအောင်၊ စျေးနဲ့တချက်စဥ်းစားမယ်။ K 30 က RAM  6GB၊ ROM 128 GB ကို ၃သိန်း၃သောင်း
RAM  8 GB၊ ROM 128 ကို ၃ သိန်း၅သောင်း၅ထောင် ပါ။ K 30 5G ကတော့ RAM 6 GB ROM 64GB  version ကို ၃သိန်း၈ထောင်ပါ။ ကျွန်တော်သာ ပိုက်ဆံရှိပြီး 😁 ရွေးရမယ်ဆိုရင်တော့ ပိုခေတ်မီနေမယ့် K 30 5G ရဲ့ RAM 6 GB ROM 64 GB လေးကို ငွေအနည်းငယ်သက်သာသက်သာ ရွေးမိမှာ ဖြစ်ပါတယ်။ K 30 ကလည်း ညီအစ်ကိုတွေက ပေါမှပေါပါ။ K 30 pro လည်းရှိသလို K30 pro Zoom Edition လည်း ရှိပါတယ်။ K30  5G Racing  (သူက Snapdragon 768 နဲ့ပါ) ဆိုပြီးလည်း ထွက်ထားသိလို  K 30i လည်း ထွက်မယ်လို့ ကြားထားပါတယ်။ ဘာပဲပြောပြော 5G ကို ၃ သိန်းစျေးနဲ့ပေးနေတာ လောလောဆယ် Redmi ပဲရှိပါသေးတယ်။ နောက်ထပ် စျေးချိုတဲ့ 5G ဖုန်းတစ်လုံးကိုလည်း ဆက်ရေးပေးပါမယ်။